उत्कंठा मला किनाऱ्याची

उत्कंठा मला चंद्रताऱ्यांची

उत्कंठा मला चंद्रताऱ्यांची
मिळे भेट मला अंधाऱ्या रात्रीची
असून सूर मी न मिळे प्रेमाची मह्फील
भटकंती करून मी न मिळे ईच्छीलेली मंझील

उत्कंठा मला मोहरलेल्या बागेची
मिळे भेट मला विषारी काट्यांची
शोधत असता मी न मिळे कुणाचा आधार
मार्ग काटीत मी न दिसे तारकांचा हार

उत्कंठा मला सुंदर चेहऱ्याची
मिळे भेट मला उद्विग्न महिलेची

झाल्या निराळ्या दिशा दोघांच्या
आस्थेच्या नजरा बदलल्या त्याच्या
उत्कंठा मला त्याच्या सहाऱ्याची
मिळे भेट मला कठोर विरहाची

केली मी प्रेमाची आशा
मिळाली कुरकुरूनी निराशा
ईच्छा केली सुखशांतीची
मिळाली हवा वादळाची

डुबत्या माझ्या मनाला
उत्कंठा असे किनाऱ्याची

श्रीकृष्ण सामंत (स्यान होझे कॅलिफोरनीया) shrikrishnas@gmail.com