मिटवूनी टाक असती जी अंतरे
दाह होई जो मनी
विझवूनी टाक सत्वरी
नको दूर जाऊ सजणा रे!
भिजूनी तू मला जरा भिजवावे
टिप टिप थेंबानी गात रहावे
तू न बोलावे मी न बोलावे
समजूनी जावे फक्त इशार्याने
आजच्या रात्री मन तुझे का घाबरे
मिटवूनी टाक असतील जी अंतरे
नको दूर जाऊ सजणा रे!
केशभार माझा पदर माझा
सर्वच आहे तुझेच सजणा
बाहूपाश तुझा श्वास तुझा
सर्वच आहे तुझेच सजणा
आजच्या रात्री मन तुझे का डळमळे
मिटवूनी टाक असतील जी अंतरे
नको दूर जाऊ सजणा रे!
श्रीकृष्ण सामंत (स्यान होझे कॅलिफोरनीया)
shrikrishnas@gmail.com
Subscribe to:
Post Comments (Atom)
No comments:
Post a Comment