जा विसरूनी ते आठव या क्षणी

अनुवाद

आठव माझे आहेत तुज जवळी
परतवून दे मला माझ्या आठवणी
आठव माझी कोर्‍या कागदावरची
लिपटलेली त्यात ती काळोखी रात्र
श्रावणातले ओले दिवस आठव मात्र
जा विसरूनी ते आठव या क्षणी
अन परतवून दे माझ्या आठवणी

ग्रिष्मातली पानांची ती पडझड
पडत्या पानांची ती सळसळ
वहात्या झर्‍याची ती खळखळ
कानी माझ्या अजूनी घुमती
आठव माझे आहेत तुज जवळी
जा विसरूनी ते आठव या क्षणी
अन परतवून दे माझ्या आठवणी

पडझडणार्‍या त्या पानांची
गदगदणारी ती हिरवी फांदी
अजुनही करते गदगद
मोडून टाक तिला आधी
आठव माझे आहेत तुज जवळी
जा विसरूनी ते आठव या क्षणी
अन परतवून दे माझ्या आठवणी

पडक्या सडक्या त्या छताखाली
चिंब भिजलो होतो आपण दोघे
अर्धे वाळलेले अन अर्धे ओले
वाळून परतून आल्यावरीही
मन माझे होते तरीही ओले
नको वाळवू पुन्हा माझ्या मनाला
आठव माझे आहेत तुज जवळी
जा विसरूनी ते आठव या क्षणी
अन परतवून दे माझ्या आठवणी

हसणे तुझे त्या चांद्ण्या रात्री
आठव गालवरची तुझी ती खळी
ती अळीमिळी आणि गुपचीळी
खोटी खोटी तुझी दांभिक बोलणी
आठव माझे आहेत तुज जवळी
जा विसरूनी ते आठव या क्षणी
अन परतवून दे माझ्या आठवणी

करण्या दफन त्या आठवणींचे
देशील का मज एकच अनुमती
घेईन मग मी चीरशांती
त्या दफनामध्ये कायमचे

श्रीकृष्ण सामंत (सॅन होझे कॅलिफोरनीया)
shrikrishnas@gmail.com